Mai To Bin Dekhe Bahal JaoNga Lekin Tum Log…

Mai  to bin dekhe bahal jaoNga lekin tum log
Toor kahta hai ke jal jaoNga lekin tum log

Khak se raabta rakhna tumhe manzoor nahi
Mai to mitti men bhi ral jaoNga lekin tum log

Dagmagata jo nahi hai wo sambhalta bhi nahi
DagmagaoN ga sambhal jaoNga lekin tum log

Tum bhi charte hue suraj ke pujari nikle
Ek pahr aur  hai dhal jaoNga lekin tum log

Khud hi ek sjola E jawala hooN mera kya hai
Bhujh ke uspaar nikal jaoNga lekin tum log

Qaeda hai hai ke pighal jata hai jalne wala
Raoshbi deke pighal jaoNga lekin tum log

Advertisements

Aayey kuchh abr, kuchh sharaab aayey..

Aayey kuchh abr, kuchh sharaab aayey
Us k baad aayey jo azaab aayey

Baam-e-meena se maahtaab utray
Dast-e-saaqi meiN aaftaab aayey

Har rag-e-jaaN meiN phir chiraaGhaaN ho
Saamney phir wo baynaqaab aayey

Kar raha tha Gham-e-jahaaN ka hisaab
Aaj tum yaad bayhisaab aayey

Jal uThay bazm-e-Ghair k darbaaN
Jab bhi ham KhaanumaaN Kharaab aayey

Faiz thi raah sar basar manzil
Ham jahaaN pahuNchey kaamyaab aayey

Deakh zamane ka Dastoor……

Deakh zamane ka dastoor

Tu mujh se mai tujh se door

Tanha tanha tanha phirte hai

Dil viraN aankheN be Noor

Dost bicharte jate hain

Shauq liye jate door

Hum apna ghum bhool gaye

Aaj kise dekha majboor

Dil ki dharkan kahti hai

Aaj koye aaye ga zaroor

Koshish lazim hai peyare

Aage jo usko manzoor

Suraj doob chala :Nasir:

Aur abi hai manzil door

Kya Zamana Tha K Har Roz Mila Karte The….

Kya zamana tha k har roz mila karte the
Raat bhar chaNd k hamraah phira karte the

JahaaN tanhaaiyaaN sar phoR k so jati haiN
Un makaanoN meN ajab log raha karte the

Kar diya aaj zamaane ne unheN bhi majbur
Kabhi yeh log mere dukh ki dawa karte the

Dekh kar jo hamaiN chup chap guzar jata hai
Kabhi us shakhs ko hum pyar kiya karte the

IttefaaQaat E zamana bhi ajab haiN ‘Nasir’
Aaj woh dekh rahe haiN jo suna karte the

O Mere Masroof Khuda …..

O mere masroof khuda
Apni duniya dekh zara

Itni khalqat  ke hote
ShahroN meN hai sannata

ChoNpri waloN ki taqdeer
Bujha bujha sa ek diya

Khaak urate haiN din raat
MiloN phail gaye sehra

ZaaG O zagaN ki gunchhoN se
Suna jangale GuNj utha

Suraj sar pe aa pahuNcha
Garmi hai ya roz E jaza

Peyasi dharti jalti hai
Sukh gaye bahte darya

Fasl jal kar raakh hui
Nagri nagri kaal para

O mere masroof khuda
Apni duniya dekh zara

Itni khalqat  ke hote
ShahroN meN hai sannata

ChoNpri waloN ki taqdeer
Bujha bujha sa ek diya

Khaak urate haiN din raat
MiloN phail gaye sehra

ZaaG O zagaN ki gunchhoN se
Suna jangale GuNj utha

Suraj sar pe aa pahuNcha
Garmi hai ya roz E jaza

Peyasi dharti jalti hai
Sukh gaye bahte darya

Fasl jal kar raakh hui
Nagri nagri kaal para

Tere Qarib Aa Ke Bari Uljhano Men HooN……..

Tere qarib aa ke bari uljhano men hooN
Mai dushmano men hoon k tere doston hoN

Ai yaar khush dayaar tujhe kya khabar k maiN
Kab se udaasiyoN ke ghane janggaloN men hooN

Tu loot  kar bhi ahl E tamanna ko khush nahiN
Mai lut ke bhi wafa ke qafloN men hooN

Badla na mere baad bhi mauzu E guftagu
Mai ja chuka hoon phir bhi tere mahfiloN men hooN

Mujh se bichhar kar tu bhi roye ga umr bhar
Ye soch le k mai bhi tere khahishoN men hooN

Khud bhi misaal E lala Sehra lahoo lahoo
Aur khud ” Faraz ” apne tamashayON men hoon

Kab Tak Baithe Hath MaleN………..

Kab Tak Baithe Hath MaleN
Chal Sathi KahiN aur chaleN

Ab Kis ghaat pe bandheN nao
Ab ye tufaN kaise taleN

Ab Ye MangeN kaun bhare
Ab ye paude kaise phaleN

Gug gug jiyeN mere Sathi
Jalne Wale Aur JaleN

Tujhko chain mile “Nasir”
Tere dukh geetoN men dhaleN