Deakh zamane ka Dastoor……

Deakh zamane ka dastoor

Tu mujh se mai tujh se door

Tanha tanha tanha phirte hai

Dil viraN aankheN be Noor

Dost bicharte jate hain

Shauq liye jate door

Hum apna ghum bhool gaye

Aaj kise dekha majboor

Dil ki dharkan kahti hai

Aaj koye aaye ga zaroor

Koshish lazim hai peyare

Aage jo usko manzoor

Suraj doob chala :Nasir:

Aur abi hai manzil door

Advertisements

Kya Zamana Tha K Har Roz Mila Karte The….

Kya zamana tha k har roz mila karte the
Raat bhar chaNd k hamraah phira karte the

JahaaN tanhaaiyaaN sar phoR k so jati haiN
Un makaanoN meN ajab log raha karte the

Kar diya aaj zamaane ne unheN bhi majbur
Kabhi yeh log mere dukh ki dawa karte the

Dekh kar jo hamaiN chup chap guzar jata hai
Kabhi us shakhs ko hum pyar kiya karte the

IttefaaQaat E zamana bhi ajab haiN ‘Nasir’
Aaj woh dekh rahe haiN jo suna karte the

Tere Qarib Aa Ke Bari Uljhano Men HooN……..

Tere qarib aa ke bari uljhano men hooN
Mai dushmano men hoon k tere doston hoN

Ai yaar khush dayaar tujhe kya khabar k maiN
Kab se udaasiyoN ke ghane janggaloN men hooN

Tu loot  kar bhi ahl E tamanna ko khush nahiN
Mai lut ke bhi wafa ke qafloN men hooN

Badla na mere baad bhi mauzu E guftagu
Mai ja chuka hoon phir bhi tere mahfiloN men hooN

Mujh se bichhar kar tu bhi roye ga umr bhar
Ye soch le k mai bhi tere khahishoN men hooN

Khud bhi misaal E lala Sehra lahoo lahoo
Aur khud ” Faraz ” apne tamashayON men hoon

Aaj pat_thar ka khuda yad aaya …

Aaj pat_thar ka khuda yad aaya
Jo huaa dil se juda yad aaya

Main sada bhulne main raha tujh ko
Tu mager mujh ko sada yad aaya

Aayee aakon mai lahu ki rangat
phir tera dast E hena yad aaya

Wo bhi hai meri tarah tanha
Hi tanhayeoN mai kya yad aaya

Deakh kar inki laga hai Ahmar
Wakt iqrar wafa yad aaya

(Malik Aafaq Ahamar)

Paas aayi thi magar jald hi wo kho bhi …

Paas aayi thi magar jald hi wo kho bhi gayi
Zindagi tujh se mulaaqaat thi jo ho bhi gayi

Ab  talak  aas teri dil men liye   phirtaa   hun
Khush gumaani ko mere teri hansi ro bhi gayi

Ain mumkin hai ke aelaan e sahat yaabi ho
Dard ki tees jo uththi thi abhi,  so bhi  gayi

Hum to maasoom the bekar dara karte the
Zindagi tujh se juda rahke basar ho bhi gayi

Phir wohi aas ta’aaqub men lagi  hai  mere
Biti baaton ke sabhi daagh mui dho bhi gayi

Sar E Baam E Hijr Diya Bujha To Khabar Hui …

 

Sar E baam E hijr diya bujha to khabar hui
Sar E shaam koi judaa hua to khabar hui


Mera khush kharam balaa ka tez kharam tha
Meri zindagi se chala gaya to khabar hui


Mere saare harf, tamaam harf azaab the
Mere kam sukhan ne sukhan kiya to khabar hui


Koi baat ban ke bigaR gayi to pata chala
Mere bewafaa ne karam kiya to khabar hui


Mere hamsafar ke safar ki samt hi aur thi
KahiN raastaa koi gum hua to khabar hui


Mere Qissa go ne kahaN kahaN se baRhayi baat
Mujhe daastaaN ka siraa mila to khabar hui


Na woh mausam E rang rez, na dil, na maiN
Koi khaab tha K bikhar gaya to khabar hui

Us Ko Judaa Hue Bhii Zamaana Bahut Huaa….

 

us ko judaa hue bhii zamaanaa bahut huaa
ab kyaa kahen ye qissaa puraanaa bahut huaa

Dhalatii na thii kisii bhii jatan se shab-e-firaaq
ai marg-e-naagahaaN teraa aanaa bahut huaa

ham Khuld se nikal to gaye hain par ai Khudaa
itane se vaaqaye kaa fasaanaa bahut huaa

ab ham hain aur saare zamaane kii dushmaanii
us se zaraa rabt baDhaanaa bahut huaa

ab kyon na zindagii pe muhabbat ko vaar den
is aashiqii men jaan se jaanaa bahut huaa

ab tak to dil ka dil se taarruf na ho sakaa
maanaa ki us se milanaa milaanaa bahut huaa

kyaa kyaa na ham Kharaab hue hain magar ye dil
ai yaad-e-yaar teraa Thikaanaa bahut huaa

kahataa thaa naasehon se mere muuNh na aa_iio
phir kyaa thaa ek huu kaa bahaanaa bahut huaa

lo phir tere labon pe usii bevafaa kaa zikr
ahmad ‘Faraz’ tujh se kahaa naa bahut huaa