Nazamen

Qabr (Nazm)

Ajam ke shahroN meN ek shahar  ka hai ye  qissa
Yeh raft O bood ka ek silsilaa jo qaayam hai
BhaNvar meN jis ke har ek cheez doob jaati hai
Suna hai us meN kisi qasbe ka rayees baRa
PhaNsa kuchh aisa, koi chaal kaargar na hui
Har ek tibbee madad, har dawa, ilaaj, gharaz
Woh sab jo qabza E insaan O mumkinat meN tha
Kiya, tamam maseeha qareeb O door jo the
Talab kiye gaye, sab ko zar E kaseer diya
Magar khuda ko jo manzoor tha woh ho ke raha
Ajal ne beTe se mahboob baap chheen liya
Khabar yeh phail gayi door paas pal bhar meN
Har ek rota tha zaar O qataar sun sun kar
Pisar ke bain ka dil par asar shadeed hua
Woh seena peet ke kahta tha baar baar, ‘Pidar!
Chale ho aisi jagah chhoR kar hameN sab ko
JahaaN na dost na hamdam na koi hai munis
Andheri kothri hogi, akele rahna hai
Na khana paani jahaaN hai na roushni ka guzar
WahaaN pe jaisi bhi guzregi khud hi sahna hai
Har ek chez ko tarsoge haaye haaye wahaaN
Koi madad ko na aayega aisi duniyaa hai!!’

Ghareeb bhi koi shamil tha us janaaze meN
Aur apne noor E nazar ko bhi saath laaya tha
Suni jo aah O buka us ne kuchh nahi samjha
Palat ke baap se poochha bahut hi saadgi se
‘Hamare ghar liye jaate haiN kya unheN baba?’

*Akhtarul Eeman*

**************************

School ka zamana

School se aane wale bata
School ki halat kaisi hai

Itna hi bata de tu mujhko
Ostad ki shafqat kaisi hai

Larke bhi naye aaye hoN ge
Ab unki mohabbat kaisi hai

Schoolse aane wale bata

School ke chote hisse meN
Ek bagh lagaya tha hum ne

Her phool ke beej lagaye the
PhooloN se sajaya tha humne

Wo bagh hamara kaisa hai
Jo bagh lagaya tha humen

Schoolse aane wale bata

Angrezi ki ganti meN ab bhi
Kya murgha banaya jata hai

Wo morgha banakar kar phir per
LarkoN per baitha jata hai

AakheN bhi dikhayee jati hai
Danda bhi chalaya jata hai

Schoolse aane wale bata

Kamre hain wahi chote chote
Ya phir se banaya  hai unko

Hain farsh wahi maile maile
Ya phir se dhulaya hai unko

Tasweer wahi aawezaN hai
Ya phir se sajaya hai unko

Schoolse aane wale bata

Kya hota hai zikr naiyyer bhi
Ahbab ki mahfil mai gahe

Kya yad bhi karwat leti hai
Mahaul ki manzil mai gahe

Aur huk si uthti hai ke nahi
Ai dost tere dil mai gahe

Schoolse aane wale bata

(“Aman_Ullah naiyyer shaokat”)

************************************

Aata hai yad mujhko guzra huaa zamana
Wobagh ki bahareN wo sab ka chahchana

AazadiyaN kahaN ab apne ghosle mai
Apni khushi se aana apni khushi se jana

Lagti hai chot dil per aata hai yad jis dam
Shabnam ki aasuoN per kaliyoN ka muskurana

Wo peyari peyari surat wo kamni si murat
Aabad jis ke dam se tha mera aashiyana

AatiN nahi sadayeN uske mere qafas meN
Hoti meri rehayee ai kash mere bas mai

Kya badnasib hoon mai ghar ko taras raha hoon
sathi to hain watan mai mai qaid mai para hoon

Aayee bhar kaliyan phooloN ki has rah hai
Mai is andhere ghar mai kismat ko ro raha hoon

Is qaid ke ailahi dukhra kise sunaooN
Dar hai yahi qafas mai, mai gham mai mar na jaooN

Jab se chaman chuta hai ye hal ho gya hai
Dil gham ko kha raha hai gham dil ko kha raha hai

Gana ise samajh kar khush ho ke sunne waloN
Dukhe huyee diloN ki faryad ye sada hai

Aazaad mujh ko kar de ai qaid karne wale
Mai be zabaN hooN qaidi tu chor kar duaa le

Allama Iqbal


_________________________

    NAYA SAWERA

Ai   raoshni  k   talib
Tarikiyan hain ghalib

Aafat aarahe hain
Duniyan pe chha rahe hain

Ai din daar logo
Ai huqe shoaar logo

Khuch kaam bhi karoge
Ya haath hi malo ge

Ye waqt hai amal ka
mushkil ghari k hal ka

batil ka lao lashkar
lagta hai fail paikar

Per ghum nahi zara bhi
Khaliq hai tera hami

Tariq se sabaq lo
Mazhab ka kuch ramaq lo

kamzoor ki hefazat
mazloom ki  hemaqat

majboor se reaayat
muflis pe dast E shafqat

Duniya pe naqsh kar do
Aslaf       ki  shojaat   

Raoshun chiraagh kardo
Duniya men noor bhar do

Taake ghate andhera
Nikle      naya    sawera

       Abdul Basit

4 thoughts on “Nazamen

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s