Koyee Had Nahi Hai Kamal Ki..

Koyee had nahi hai kamaal ki
Koyee had nahi hai jamaal ki

Wahi qurb O door ki manzileN
Wahi sham khaab O khyaal ki

Na mujhe hi uska pata koyee
Na use khabar mere haal ki

Ye jawaab meri sada ka hai
K sada hai uske sawaal ki

Wo qayamateN jo guzar gayeeN
ThiN amanaten kayee saal ki

Ye namaaz E asr ka waqt hai
Ye ghari hai din k zawaal ki

Hai MONIR subh E safar nayee
Gayee baat shab k malaal ki

Gham ki baarish ne bhi tere naQsh ko dhoya nahii…

 

Gham ki baarish ne bhi tere naQsh ko dhoya nahii
Tu ne mujh ko kho dia, maiN ne tujhe ko khoya nahii

NeeNd ka halka gulaabi sa khumaar aaNkhoN meN tha
Yun laga jaise woh shab ko dair tak soya nahii

Har taraf diwar O dar aur un meN aaNkhoN ka hujum
Kah sake jo dil ki halat woh lab E goya nahii

Jurm Aadam ne kiya aur nasl E Adam ko saza
KaaT_ta huN zindagi bhar maiN ne jo boya nahii

Jan_ta huN aik aise shakhs ko main bhi ‘Munir’
Gham se pat_thar ho gaya lekin kabhi royya nahii