Faqirarana Aaye Sada Kar Chale…..

Faqirarana aaye sada kar chale
Miyan khush raho hum dua kar chale

Wo kya chiz hai aah jis k liye
Har ek chiz se dil utha kar chale

Koyi naummidana kar ke nighah
So tum hum se munh bhi chupa kar chale

dikhayi diye yuN ke be khud kiya
Hamen aap se bhi juda kar chale

Jabin sijde karte hi karte gayi
Huq E bandagi hum ada kar chale

Parastish ki yan tak  k ai boot tujhe
Nazar men sabho ke khuda kar chale

Gayi umr E dar band E fikr E ghazal
So is  fan ko aisa bara kar chalen

Kahen kya jo puche koyi hum se “Mir”
Jahan men tum aaye to kya kar chale    

Advertisements

Hasti Apni Hobaab Ki Si Hai……

Hasti apni hobaab ki si hai                       
Ye numayish sarab ki si hai

Naazuki us lab ki kya kahyee
Pankhuari ek gulaab ki si hai               

Baar baar uske dar pe jata hoon
Haalat    ab    iztrab   ki si hai

Mai jo bola, kaha ye aawaz
Usi khana kharaab ki si hai

Mir Is nim baaz aankhon men
Sari masti sharaab ki si hai