Khuli jo aaNkh to Wo tha na Wo zamana tha…

Khuli jo aaNkh to Wo tha na Wo zamana tha
Dahakti aag thi tanhaye thi fasana tha

GhamoN ne baNt liya mujhe yuN aapas meN
Ke jaise main koyee luTa huaa Khazana tha

Ye kya ke chand hi qadamoN pe thak ke baith gaye
tumheN to saath mera door tak nibhana tha

Mujhe jo mere lahu meN Dubo ke guzara hai
Wo koyee Ghair nahi yaar ek puraana tha

Khud apane hath se “Shahzad” us ko khat diya
Ke jis daraKht ke Tahani pe aashiyaanaa thaa

Kha kar zaKhm duaa di hum ne…

Kha kar zaKhm duaa di hum ne
Bas yuN umr bitaa di hum ne

Raat kuchh aise dil dukhataa thaa
Jaise aas bujha di hum ne

SannaaTe ke shahar meN tujh ko
Be-aawaz sada di hum ne

Dekh ke jis ko dil dukhta tha
Vo tasveer jala di hum ne

Aa “Shehzad” tujhe samjhayeN
Kyunkar umr gawaN di hum ne

Khaa kar zakhm duaa di ham ne…

Khaa kar zakhm duaa di ham ne
Bas yuuN umr bitaa dii ham ne

Raat kuchh aise dil dukhtaa tha
Jaise aas bujhaa dii ham ne

Yaad ko teri toot ke chaahaa
Dil ko khoob sazaa dii ham ne

Sannaate ke shahr meN tujh ko
Be aawaaz sadaa dii ham ne

Dekh ke jis ko dil dukhtaa tha
Woh tasveer jalaa dii ham ne

Aa ‘Shahzad’ tujhe samjhaayeN
KyuN kar umr gaNvaa dii ham ne