Zamin Kiski Hai ye Aasma Kiska Hai ………..

zamin kiski hai ye aasma kiska hai
 Dhoop chiz hai kya ye sayebaan kiska hai

Ye uNche  uNche Mahlaat  garche tere hain  
Mager bata ye ujra makaN kiska hai

Tere nabi kaha jo, hadis teri hai
Jo tune khud se kaha wo quraan kiska hai

Tamam sirr O niha se kiya mujhe aagaH !!
Her ek shai hai meri Par jahan  kiska hai

Bana ke chand sitare mere sapoord kiya
Karam hai aapka par imtehaan kiska hai

Ye shairy teri miraas to naho ” Basit “
Ata hua hai jo tarz E bayan kiska hai

Advertisements

Tamam ILm Tere Hain Hunar Bhi Tere Hain…..

Tamam ilm tere hain hunar bhi tere hain
Har ek ghaun tera hai  Shahr bhi tere hain

Ibadton men  guzari jo raat ,teri hai
Jo ghaflatoN kate wo sehr bhi tere hain

     Tere kamal ka adna sa ye karishma hai
          Ke aabshar bhi tera hunar bhi tere hain

Alamton men bayaN ki haqiqateN Apni
Kalim tera hai Aur khizar bhi tere hain

                                       Hum aadmi hi nahi neak o bad k sangam hain
                                      Tamam khair hain tere to shar bhi tere hain

Isi liye to meri mokhtalif Safahten hain
Ke rahmaten hain teri to qahr bhi tere hain

                            ye chalte phirte nazar aarahe hain aadam zaad
Jo zabar khak hue wo bashar bhi tere hain

Hum apni rah se” Basit ” bhtak gaye kaise
Ke Raaste bhi tere Rahbar bhi tere hain

Ghum Gusari ka Daur Hai Shayad………

Ghum gusari ka daur hai shayad
Ashk kazib hai  wo phirte hain

Khidmat E khalq k fasane hain
Baab nuha ka rang bharte hain

Aadmiyat nahi hai insaN men
Sath maqtal ko le k phirte hain

Kushnuma ranggat pe bahoot hota
Khoon holi k jo bhikherte hain

Kitne kamzarf hain kamine log
Aag nafrat k kuyn bharakte hain

Shikwa “Basit ” kare to kis se kare
Her taraf sabke kaan bahre hain

Aansoo ko Rokne Ki Tamanna Ajib Hai ……

Aansoo ko rokne ki tamanna ajib hai
Ranjoor dil hai lekin tabassum habib hai

 Barbaad kar gaya khezaan ulfat k phool ko
Ulfat hamare shahr men milna bayeed hai

Lutta raha chaman meri aankhon ke samhne
Sakit khara raha k ye behter nasib hain

Qatil hamare shahr men aazad ghume ga
Qazi ye tere shahr ka kaisa naqeeb hai

“Basit” ka dil hai dard ka makhzan bana hua
Aur ghum ki chaun menise rahat ajeeb hai

Mere Qatil Ko Ehsas E Zyan Hai …..

Mere qatil ko ehsas E zyan hai
Mera bhai mager kyun shadma hai

ZamiN per jabke barpa hai qayamat
Khuda ki phir khudayee hi kahan hai

Zamin walo mujhe kamter na samjho
K       meri    ibteda   hi   aasman   hai

Koyee bhi uzr ho mai man loonga
Tumhara dost tumper mehrbaan hai

Mujhe  hai  naaz  hai  kajravi  per
Juda sabse mera tarz E bayan hai

Hmare Shahr Men Rahta Hai Ajnabi Ki Tarah….

Hmare shahr men rahta hai ajnabi ki tarah
Jo khair kha hai sab ka kisi nabi ki tarah

Luta ke shahr se sabkuch wo jab watan aaya
Lipat k maN se wo rota raha sabi ki tarah

Wo bakamal tha likin tha wo ahl E zar !!!
Tabhi to wo fail hota raha Ghabi ki tarah

Lutata Shahr men kase wo apni hamdardi
Har ek shakhs ko lagta tha ajnabi ki tarah

Jafa k baad na rakhna humse ummid !!!
K mai bhi aadmi yaro hoon tum sabhi ki tarah

KhushiyaaN ThiN Beshumaar Abhi Kal Ki Baat Hai …

 

KhushiyaaN thiN beshumaar abhi kal ki baat hai
Chehre pe tha nikhaar abhi kal ki baat hai

Mujhko qafas meN dekh ke hotoN pe yeh haNsi
Laakhon the ghum gusaar abhi kal ki baat hai

Meri zabaan kaaT ke khud bhi malool haiN
Karte the chher chhaar abhi kal ki baat hai

Qaichii laga ke unko bhi bewa bana diya
ZulfeN thiN pech daar abhi kal ki baat hai

Unko wafa ki mil gayee ‘Basit’ sanad magar
Daaman tha daagh daar abhi kal ki baat hai