BarsoN ke Baad Dekha Ek Shakhs Dilruba Sa……

BarsoN ke baad dekha ek shakhs dilruba sa
Ab zehn men nahi hai par naam tha bhala sa

Abru khinche khinche se ankhen jhuki jhuki si
BataiN  ruki  ruki  si  Lehja  thaka  thaka  sa

Alfaz the k jugnu aawaz ke safar men
Ban jaye jangaloN men jis tarah raasta sa

KhaaboN men khaab uske yadoN men yaad uski
NeendoN men ghul gya ho jaise k rat-jaga sa

Pahle bhi log aaye kitne hi zindagi men
Wo har tarah se lekin auroon se tha juda sa

Kuch ye k muddatoon se hum bhi nahi the roye
Kuch zahr men ghula tha ahbaab ka dilasa

Phir yuN hua k sawan aankhoN men aa base the
Phir yuN hua k jaise dil bhi tha aablaa sa

Ab such kahaiN to yaro hum ko khabar nahi thi
Ban jaye ga qayamat ek waqeya zara sa

Tewar the be rukhi ke,  andaaz dosti ka
Wo ajnabi tha lekin lagta tha aashna sa

Hum dasht the k darya hum zahr the k amrit
Nahuq the zo’m humko jab wo nahi tha piyasa

Humne bhi usko dekha kal sham ittefaqan
Apna bhi haal hai ab logo “Faraz” ka sa

3 thoughts on “BarsoN ke Baad Dekha Ek Shakhs Dilruba Sa……

  1. Kisi ko de ke dil koi nawa-sanj-e-fughan kyun ho?
    Na ho jab dil hi seene main to phir moon main zubaan kyun ho?

    Wafa kaisi? kahan ka ishq? jab sar phorrna thera
    To phir ae sangdil tera hi sang-e-aastan kyun ho?

    Yehi hai aazmana to satana kis ko kehte hain?
    Adu ke ho lye jab tum to mera imtihan kyun ho?

    Ye keh sakte ho “Hum dil main nahin hain?” par ye batlao!
    Ke jab dil main tum hi tum ho to aankhon se nihaan kyun ho?

    Qafas main mujh se roodad-e-chaman kehte na dar humdum.
    Giri hai jis pe kal bijli wo mera aashyan kyun ho?

    Nikala chahta hai kaam kya taanon se tu Ghalib?
    Tere be-mehar kehne se wo tujh par meharbaan kyun ho?

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s