Yeh waqt phir se kisii imtehaan hi ka na ho…

 

Yeh waqt phir se kisii imtehaan hi ka na ho
Aur is me abke zayaaN apni jaan hi ka na ho

Suna hai bazm meN sab ki chhalak paRi aNkhen
KahiiN woh zikr meri daastaan hi ka na ho

Mere qareeb hai tu aur sochtaa huN maiN
K sab tamasha dil E khush gumaan hi ka na ho

Har ek lamhaa ise kori manziloN ki lagan
Ajeeb sar hai kabhi saaibaan hi ka na ho

Har ek sitam pe yeh imkan paalte rahna
K is me haath kisii mehrbaan hi ka na ho

Bas ek khyaal se dil khauf khane lagta hai
Sitam zareef mere khaandaan hi ka na ho

Advertisements

Kaisa mazi tha kya hai hal apna…

 

Kaisa mazi tha kya hai hal apna
Deakhna tha hame zawal apna

Aur bhi ho gye hum tanha
Ek zara aaya tha khayal apna

Dasht ho bazgusht  se aabad
Koyee dohrayee sawal apna

Yeh safar khatm yuN nahi hoga
Rasta badleN mah O sal apna

Dekh hum phir jala rahe hain Charagh
Ae hawa hausla nikal apna

Her taraf apne ko bikhra pa O ge ….

 

Her taraf apne ko bikhra pa O ge
Aaeen E tor ke pachta O ge

Jab badi k phool mahke  geN yahan
NekiyoN per tum sharma O ge

Sach ko pahle lafz  phir lab hum deN ge hum
Tum hamesha jhoot ko jhootla O ge

Phailta jayee ga sehra E sakut
Door ki aawaz bante ja O ge

Sari simteN be kashish ho jayeN gi
Ghum phir k phir yahiN aaja O ge

Ruh ki diwar k girne k bad
Be badan ho ja O ge mar ja O ge

Lamas O zillat k aser mai aagye….

 

Lamas O zillat k aser mai aagye
Deakh phir diwar O dar mai aagye

Door ki chizeN khala mai kho gyeeN
Pass k manzer nazar  mai aagye

Jism gandom mahak ne chuliyaa
Phool phir dil k shajer mai aaye

Aa rahi hai nange paoN chandni
Bahar E istaqbal gher mai aagye

Khouf se hum ko rehayee mil gyee
hum bhi ek dost huner aagye

Gham ki baarish ne bhi tere naQsh ko dhoya nahii…

 

Gham ki baarish ne bhi tere naQsh ko dhoya nahii
Tu ne mujh ko kho dia, maiN ne tujhe ko khoya nahii

NeeNd ka halka gulaabi sa khumaar aaNkhoN meN tha
Yun laga jaise woh shab ko dair tak soya nahii

Har taraf diwar O dar aur un meN aaNkhoN ka hujum
Kah sake jo dil ki halat woh lab E goya nahii

Jurm Aadam ne kiya aur nasl E Adam ko saza
KaaT_ta huN zindagi bhar maiN ne jo boya nahii

Jan_ta huN aik aise shakhs ko main bhi ‘Munir’
Gham se pat_thar ho gaya lekin kabhi royya nahii

Hum zamane mein kuch aise bhatkay….

 

Kab talak shama’ jali, yaad naheeN
Sham-e-gham kaise dhali, yaad naheeN

Is qadar yaad hai apne the sabhi
Kisne kya chaal chali, yaad naheeN

Hum zamane mein kuch aise bhatkay
Ab to unki bhi gali yaad naheen

Abr tha, jaam tha, per aap na thay
Woh ghaRi kaise tali yaad naheeN

Kat gayi umr kisi tarh’  “Qateel”
Woh buri thee k bhali yaad naheeN

Kya ishq tha jo baa’as e ruswaayi ban gaya….

 

Kya ishq tha jo baa’as e ruswaayi ban gaya
Yaaro tamaam shahr  tamaashaayi ban gaya

Bin mange mil gaye meri aankhoN ko rat jaggay
MaiN jab say aik chand ka shaidaayi ban gaya

Dekha jo uska dast-e-hinaaee qareeb se
Ehsas goonjti hooyi shahnaayi ban gaya

Barham huaa tha meri kisi baat par koyi
Woh haadsa hi wajh-e-shanasayi ban gaya

Karta raha jo roz mujhay us say bad gumaan
Woh shakhs bhi ab usska tamannayi ban gaya

Woh teri bhi to pahli muhabbat na thi Qateel
Phir kya hoowa agar koyi harjaayi ban gaya